Die Suid Afrikaanse landbousektor staar baie uitdagings in die gesig soos logistiek, energie en water. Die AgriSETA Sektor Vaardighede Verslag wys egter dat daar ook ‘n omvangryke vaardigheidstekort in die landbou bestaan. Kwessies soos klimaatsverandering, plaagbestuur en die aanvaarding van tegnologie wat gepaard gaan met die Vierde Industriële Revolusie, vereis vaardighede om in pas te bly met die veranderende wêreld. Die doel van hierdie gesprek is om kennis te deel en samewerking te stimuleer, wat rolspelers in staat stel om doeltreffende beleid en strategieë te ontwikkel om hierdie vaardigheidsgapings te oorbrug. Hierdie samewerkingspoging sal die weg baan vir strategiese inisiatiewe en oplossings vir die ontwikkelende uitdagings wat die graansektor in die gesig staar.